ज्ञान दे मज बुद्धीसागरा
*ज्ञान दे मज बुद्धी सागरा* दूर करुनी अज्ञान माझे ज्ञानरुपी प्रकाश दे ज्ञान दे मज बुद्धीसागरा तव भक्तीची आस दे ||१|| नको वासना विषयाची मज भोगविलासी वृत्ती नको कळावया गुरुची महती उपासनेचा ध्यास दे ||२|| ज्ञान असे दे दयाघना इतरांची मज पीडा कळो पीडा हराया दु:खी जनांची ह्रदयात तुझा अधिवास दे ||३|| ज्ञान दे मज बुद्धीसागरा पर्यावरणा जपण्याचे हिरवाईने बहरून सृष्टी चिऊ काऊ ला निवास दे ||४|| शब्दांमध्ये अर्थ असावा काव्य फुलावे त्यांमधुनी काव्यानंदा लुटणा-या त्या रसिकांचा सहवास दे! ||५||