Swatiche Shabdamoti

प्रिय स्वप्ना जयकर वहिनी,  जरी विरहाचा, दिन सोन्याचा भासतसे हा आम्हां आनंदाने आम्ही सारे देतो शुभेच्छा तुम्हां  प्रामाणिकता नसांत भिनली, कामही केले छान विनम्रताही तुमच्या ठायी, नसे 'खूर्ची'चा अभिमान  कठिण प्रसंगी उभे ठाकला तुम्ही सहका-यांसाठी सदैव ठेविला हात मदतीचा सर्वांच्या पाठी चुकले कुणी जरी, उदार मनाने केली तुम्ही क्षमा  आनंदाने आम्ही सारे देतो शुभेच्छा तुम्हां  निवृत्ती ही नाममात्र हा नसे अंत कार्याचा  हा तर दुसरा टप्पा आता मनासारखे जगण्याचा कर्तव्यपूर्तीचे सदैव ठेवुनी ह्रदयामध्ये भान आजवरी जे हळूच निसटले आनंदाचे क्षण जगून घ्या ते आनंदी क्षण नका बाळगू तमा  आनंदाने आम्ही सारे देतो शुभेच्छा तुम्हां मिळो तुम्हां जे जे उत्तम कधी काही न उणे पडो लाभो आयु आरोग्य अन् प्रियजनांचा सहवास घडो सगेसोय-यांचा सदैव राहो आधाराचा हात निरंत लाभो जीवनी ह्या, पतीची खंबीर साथ  कुलदैवताचा अखंड लाभो वरदहस्त हा तुम्हां  आनंदाने आम्ही सारे देतो शुभेच्छा तुम्हां ©️ सौ. स्वाती सुबोध शृंगारपुरे  📞 ८५९१३ २५२०४

.//श्री// *गणेश पार्वती*  निर्मिती: संस्कृती चांकाप्र महिला मंडळ -कांदिवली, बोरीवली  संहिता लेखन - सौ. स्वाती  शृंगारपुरे  दिग्दर्शन: सुलेखा देशपांडे  पात्रे ७ १) गणेश - २) पार्वती - ३) उंदीर मामा- ४) ५) ६) ७)       (माणसे)- वेळ ७ मिनिटे पार्वती: (वाट पहात असते...)  हा गजानन का बरं आला नाही अजून?  गणेश: आलो बरं माते... १० दिवस पृथ्वीलोकावर राहून, मानवजातीचा पाहुणचार घेऊन आज मी कैलासावर परत आलोय. पृथ्वीलोकावरचा गणेशोत्सव संपन्न झाला... नमस्कार करतो माते...  मूषक : वंदन करतो माते, गणराजासोबत मलाही पृथ्वी ची सैर घडली..  पार्वती : वाह वाह! ( आशिर्वाद देते ) पार्वती: (गणेशाकडे वळून)  या या गणेशा, तुमच्याविना इथे फारच सुनं सुनं वाटत होतं. बरं, ते जाऊ दे. कसं काय पृथ्वी वरील वास्तव्य? तिकडे सारं काही ठीकठाक आहे ना?  गणेश: माते, पृथ्वीवरील वास्तव्य  खूपच आनंददायी झालं. लोकांनी माझं जल्लोषात अन् उत्साहात स्वागत केलं... पहा ना...  (आता इतर ४ जणी पुढे येतात. गणेशोत्सवाचा पहिला दिवस... गणपती घरी आणतानाचा सीन...)...

पालघर तालुका मराठी साहित्य मंडळ  भाषा संवर्धन पंधरवडा  उपक्रम - चित्रकाव्य  दिनांक:१६/०१/२०२६ -सौ. स्वाती सुबोध शृंगारपुरे शीर्षक: सौभाग्याचा टिळा एक सुरेख देऊळ  मागे महाकाय वृक्ष  ईश्वराच्या अस्तित्वाची  जणू देतसे तो साक्ष वाहे बाजूने सरिता  लोक करितात स्नान  मायमाऊली विश्वाची  त्यांना करिते पावन स्नान करुनी नदीत  लोक राऊळात जाती  भक्तिभावाने नमुनी  देवा भजने ते गाती  वर शोभतो कळस  ईश्वराच्या त्या राऊळा जणू सरितेच्या भाळी शोभे सौभाग्याचा टिळा  स्वाती शृंगारपुरे 📞८५९१३ २५२०४

*प्रिय संदीप दादा,* तुझ्या साठाव्या वाढदिवसानिमित्त तुला माझ्याकडून ही काव्यरुपी भेट...  *षष्ट्यब्दीपूर्तीचा,आनंदाचा दिवस आज आला* *बहिण धाकटी आनंदाने अभिष्ट चिंतीते तुला!* *गोड साजिरा बालपणीचा काळ सुखाचा होता*  *दंगामस्ती केली किती पण वाद फुकाचा होता* *आठवणी त्या ताज्या जरीही काळ केवढा गेला* *बहिण धाकटी आनंदाने अभिष्ट चिंतीते तुला* *मिळो तुला जे जे उत्तम कधी काही न उणे पडो* *पूर्ण होवो सा-या इच्छा प्रियजनांचा सहवास घडो* *कुलदेवीचा सदैव लाभो वरदहस्त हा तुला* *बहिण धाकटी आनंदाने अभिष्ट चिंतीते तुला!* *हीरक महोत्सवी वाढदिवसाच्या हार्दिक शुभेच्छा*   *- ©️स्वाती* ०१/१०/२०२५ 🌹🌹🌹🌹🌹🌹🌹🌹🌹🌹

*स्त्री शक्ती -एक लोकजागर* (चाल - पोवाडा) अगं नारी गं.. जीरंजीजी जीजीजी सा-या सृष्टीचीही राणी असे देखणी गोड हिची वाणी पण रणांगणी मर्दानी शत्रूला पाजतसे पाणी.. जीजीजीजी...  अशी ही स्त्री.. क्षणाची पत्नी ; तर अनंत काळची माता... पण प्राक्तनात हिच्या... नेहमीच उपेक्षा...  येता लेक ही जन्माला बापदोष देत नशिबाला अपराध काय मी केला आली पोटी कन्या जन्माला जीजीजीजी हळूहळू पोर मोठी होऊ लागते. घर ,  शाळा , अभ्यास सर्वच आघाड्या यशस्वीरित्या सांभाळते. सगळी आव्हाने झेलत ती यशिचे गड सर करते..  ज्ञानेशाची ती मुक्ताई उपदेश जगाला देई शिवबाची जिजाऊ आई शूरवीर राष्ट्राला देई जीजीजीजी ती बनली सावित्रीबाई शिक्षणाचा ध्यास ती घेई मर्दानी लक्षुमीबाई इतिहास नोंद तिची घेई जीजीजीजी असा प्रवास करत करत स्त्री अवकाशात झेपावली.. कल्पना चावला , सुनिता विल्यम्स..  तिथेही स्त्रीने आपल्या कर्तृत्वाची चुणूक दाखवली..  जिंकण्याची असे तीज आस गवसणी घाली गगनास भेदुनी जाय अंबरास विस्तीर्ण तिचे आकाश जीजीजीजी पाहिलंत लोकहो ?? किती विविध रुपे ही स्त्रीची !  अशा लेकी आम्ही सावित्रीच्या अभिमान आहो राष...

*माझी कन्या* लाडकी गुणाची  माझी कन्या एक  जणू माझीच प्रतिकृती  शोभे माझी लेक  समजती तिजला  माझिया मनीचे भाव  मनात शिरुनी माझ्या  घेई मनाचा ठाव  सावलीसारखी नेहमी  असते अवतीभवती  वाटे मजला जणू मनीच्या  शिशिरातील मधुमास ती  रुप सृष्टीचे विहंगम जसे  झुळझुळणारा झरा  तिच्या रुपाने घरात आला  जणू हासरा तारा  नभांगणीची घरात माझ्या  अवतरली तारकादळे  अबोल माझ्या ओठांमधले  गुपित तिजला कळे  धावत येऊनी गळ्यात टाकुनी  मायेचा करपाश  विचारते मज "आई,आज तू उदास दिसशी कश्यास?" लाडकी लेक बाबांची  अन् भावाची प्रेमळ ताई गोड तिच्या हास्याने अवघे  घरदार भरून जाई  अशी गुणाची कन्या माझी  जणू अस्मानीची परी  गाजवी सत्ता गोडगोजिरी  अमुच्या ह्रदयावरी !  -©️ सौ. स्वाती सुबोध शृंगारपुरे   ०१/११/२०१५ 📞८५९१३ २५२०४