Swatiche Shabdamoti

 *सहवास कवितेचा* होतो चहूकडे मज आभास कवितेचा  माझ्या मनास जडला हा ध्यास कवितेचा  रुजते मनात माझ्या सदैव माझी कविता  झरतो लेखणीतून अभ्यास कवितेचा  गूज अंतरीचे,  शब्दांत फुलते माझ्या  प्रत्येक श्वास माझा जणू शब्द कवितेचा  अविरत जैसे चाले हे चक्र निसर्गाचे तसाच निरंत चालो हा प्रवास कवितेचा  राहो सदैव बनुनी कविताच माझी सखी  "स्वाती"स सदैव लाभो सहवास कवितेचा

 *आयुष्याला सावरावे* मोह नसावा संपत्तीचा       मनास आता आवरावे  कठीण असले जगणे तरीही       आयुष्याला सावरावे हसू असावे ओठांवर जरी      कितीही संकटे आली परतवुनी त्यांना निर्धाराने       आनंदाच्या वहा पखाली  सेवा करुनी मायपित्यांची       सदा नमावे त्या चरणी  सदा रहावे लीन,नम्र अन्      गोड असावी ती वाणी  निसर्गनीती झुगारून ह्या       सृष्टीवरती नकोत वार  कोसळत्या जलधारांसंगे       फुलून येऊ दे शेतशिवार  घास सुखाचा मुखी पडावा      पाप कराया बावरावे  ईश्वरचरणी झुकवून माथा       आयुष्याला सावरावे

 *जीवन एक संघर्ष* जन्मापासून मृत्युपर्यंत  वर्षामागून वर्ष सारे सोपे नाही जगणे येथे जीवन एक संघर्ष ठरे  पोटासाठी धडपड करणे  कुणास चुकले नाही  भूक विखारी पोटामधली  निश्चिंत बसू ना देई कसे कुणाचे प्राक्तन येथे  भविष्य घडवित जाई संघर्षातून जीवनाच्या  कुणास सुटका नाही संघर्षाच्या वाटेवरती पदोपदी हे काटे ह्रदयात निखारे तप्त कधी  अन् मनात खिन्नता दाटे  परंतु, संघर्षावीण जीवनाला  नसे काही अर्थ  संघर्षातून जीवन घडते म्हणू नका त्यासी व्यर्थ!

             मन कुणा उमगेना कसे असते आतून  संवेदना प्रसवून मन, देते अस्तित्वाची खूण मन असावे असे जणू नितळ आरसा  शुद्ध आचरणाचा त्याने नित्य घ्यावा वसा मनाठायी नसो कधी विषयवासना  ईश्वराची भक्ती हाच  मनाचा दागिना  कधी होऊनी असह्य मन जागवे वेदना जणू काजळाची तीट दृष्ट लागो कुणाची ना संस्कारांचे अलंकार मना सजवून जावे भावनांच्या आवेगाने मना भिजवून जावे भोगविलासी वृत्ती नको, नको अविचार  सद्सद्विवेक बुद्धीचा मने ल्यावा रत्नहार  मन ठेवाया प्रसन्न गुणगुणावे भजन  जशी सुवासिनीहाती बांगड्यांची किणकिण  मन असावे हळवे तरी व्हावे कणखर  कर्तव्याच्या वाटेवर दक्ष व्हावे क्षणभर मना नको अहंकार अन् चोचले तनाचे  त्याग, प्रेम, समर्पण हेच शृंगार मनाचे!

 *स्वातीचे शब्दमोती*          *वाईन आख्यान*  कसं काय मंडळी  आहात ना सारे fine ? सुपर मार्केट ला मिळणार  आता म्हणे wine !  आम्ही जातो शाॅपिंगला  व्हा आम्हाला join चला चला लवकर तिथे असेल मोठी line शाॅपिंग करा भरपूर  मार्केट खुले नाईन टू nine हे तर माॅडर्न कल्चर ही नव्हे तुमची decline वाईन नसते स्ट्राँग  ही तर आहे benign  अज्जिबात लाजू नका ताठ ठेवा spine "घेत नाही मी" म्हणत  मारू नका shine  अहो, ही नव्हे दारू ही तर फक्त wine ही तर फक्त wine !  ©️स्वाती शृंगारपुरे 01 फेब्रुवारी 2022