संत गजानन महाराज

         *संत गजानन महाराज*

         ( छंद -अभंग  चरण -४ )

गजानन स्वामी |  तुम्ही माझे गुरु |

 वाटे कल्पतरू |  मजलागी  ||१||

तुमचे चरण |  हेचि गोदास्नान |

होई मी पावन |  वंदुनी त्यां ||२||

तुझ्या द्वारी येती | दर्शनासी भक्त |

त्यांचे मनोरथ | पुरवी तू ||३||

शेगावी राहुनी | केले चमत्कार |

झाले साक्षात्कार | भक्तगणा ||४||

लाभो मज देवा | तुझा सहवास |

तूच माझा ध्यास | रात्रंदिन ||५||

तुझी जी समाधी | माझी ती पंढरी | 

घडो मज वारी | शेगावीची ||६||

माझ्या हाती नित्य | घडो तुझी सेवा |

हेचि दान देवा | द्यावे मज ||७||

सदा तुझे नाम | असो माझ्या मुखी | 

ठेव मज सुखी |  "स्वाती" म्हणे  ||८||

©️ स्वाती शृंगारपुरे

दासनवमी १५/०२/२०२३